1.Sepîde-dem ser-i kühsârda zalâm-ı gulâm
Duhâne döndi ki kış basdugın ider i‘lâm
2.Tökince cûyı çemen geçdi leşker-i sermâ
Yine memâlik-i gülzârı gâret itdi temâm
3.Soyındı tekye-i gülşende şimdi hep eşcâr
Bürindi her biri engine bir beyâz ihrâm
4.Safâ-yı gülşene dest âhir itdi serv ü çenâr
Habâb oldı bu gün ser-nigûn konılmış câm
19b ihsân-ı rûyine olıcak : ihsânına olursa nola B,C
10. A 18a, B 14b, C 13b, D 17b, E 15a.
3b her biri engine : engine her biri B,C
5.İhâta itdi yine kûy-ı hâki berf-i sefîd
Derûn-ı penbede oldı misâl-i ‘anber hâm
6.Kapandı şiddet-i deyden derîçe-i hurşîd
Gögerdi bâd ile rûy-ı sipihr-i erzâk-fâm
7.Meyân-ı yahda toñup cûya saçılan cür‘a
Derûn-ı sengde la‘l itdi gerdiş-i eyyâm
8.Cihâne Behmen-i Rûyîn-ten-i şitâ gelicek
Görüp mehâbetini gökde ditredi Behrâm
9.Derûn-ı yahda turan hârı seyr idüp sandum
Geçürdi âyineye tîri bir dilîr be-nâm
10.Kaçarsa bülbül-i gülşen nola bu hâli tuyup
Tegerg-i cûya kodı halkalarla dâne vü dâm
11.Bulup yah ile cilâ yine tîgi kühsâruñ
İder kılıç gibi kış geldügin bize i‘lâm
12.Döşendi yine çemenzâre berf ser-tâ-pâ
Misâl-i ebr-i sefîd ü sepîd-i erzak-fâm
13.Zemâne eyledi peydâ sefîd kâgıdlar
Tolınca penbe ile kâr-hâne-i eyyâm
14.Gelüp nesîm-i seher virdi aña pâk-cilâ
Ki ola safha-i medh-i edîb-i nigû-nâm
15.Güzîde sadr-ı zemâne emîn-i devlet ü dîn
Sütûde vaz‘-ı yegâne ser-i südûr-ı kirâm
16.Cihân-ı ma‘delete hüsrev-i felek-mesned
Serîr-i mekremete dâver-i bülend-makâm
17.Cenâb-ı Hazret-i Yahyâ Efendi kim oldur
Hudaygân-ı kuzât-ı ‘asâkir-i İslâm
18.O şehr-yâr-ı memâl,iksitân-ı dâniş kim
Revâdur olsa derinde Zühal kemîne-gulâm
6a dey : bürd D
12b sepîd : sipihr D
14a virdi aña : aña virdi A,E
19.Reşâşe-i kalemi feyz-bahş-ı bâg-ı emel
Nevâle-i keremi şâmil-i havâs u ‘avâm
20.Sipihr-i mertebe-sadrâsın ol hümâsın kim
Bulur murâdın elüñ gölgesiyle cümle enâm
21.Nesîm-i terbiyetüñ irse hâk-i gülzâra
Şitâya karşu soyınmazdı nahl-ı tâze müdâm
22.Düşeydi kubbe-i çarha şerâre-i gazabuñ
Dem-i şitâda bulurdı harâret-i hamâm
23.Şihâb sanma atar top-ı çarhdan zencîr
Helâk-i hasmuñ içün bu sipihr-i nâ-fercâm
24.Harîm-i bezmüñe nâ-gâh hüsrev-i re’yün
Murâd iderse eger şem‘-i mihr-i bî-hengâm
25.Hilâl ü ebr ile ola harraka ile âteş-berg
Şihâb u necm ola kibrît ile şerer dem-i şâm
26.Gubâr-ı kûyuñ olup gördi âb-ı ihsânuñ
Cüdâ olur mı kapuñdan ‘Atâyi-i nâ-kâm
27.Metâ‘-ı ma‘rifet ü fazlı baña bildürdi
Şu dem ki tutdı peder menzil-i ‘ademde mekân
28.Mahal-i bahs degüldür letâfet-i engûr
Safâ virür dile ammâ ki bâde-i gül-fâm
29.Benem ol âb-ı musaffâ ki aldılar yolımı
Revâ budur ola lutfuñ delîl-i râh-ı merâm
30.Zamîr-i âyine sîmâña çün degül mahfî
Ne hâcet itmege hâl-i derûnumı i‘lâm
31.Şeb-i şitâ gibi itdüñ sevâd-ı nazmı dırâz
Du‘â ile idelim vakti geldi hatm-i kelâm
32.Niteki mahv ide kâfûr berfi ser-tâ-pâ
Fürûg-ı âteş-i mihr ile gerdiş-i eyyâm
33.Müdâm nefha-ı müşgîn micmer-i ‘adlüñ
23a sanma : sanma ki B
32a dırâz : ziyâd A,E
32b âteş-i : âteşîn B
Ola nesîm-i keremle cihâna ‘ıtr-ı meşâm
34.Hemîşe halk-ı cihân ola zîr-i destüñde
Misâl-i pençe-i hurşîd bezlüñ ola müdâm
Duhâne döndi ki kış basdugın ider i‘lâm
2.Tökince cûyı çemen geçdi leşker-i sermâ
Yine memâlik-i gülzârı gâret itdi temâm
3.Soyındı tekye-i gülşende şimdi hep eşcâr
Bürindi her biri engine bir beyâz ihrâm
4.Safâ-yı gülşene dest âhir itdi serv ü çenâr
Habâb oldı bu gün ser-nigûn konılmış câm
19b ihsân-ı rûyine olıcak : ihsânına olursa nola B,C
10. A 18a, B 14b, C 13b, D 17b, E 15a.
3b her biri engine : engine her biri B,C
5.İhâta itdi yine kûy-ı hâki berf-i sefîd
Derûn-ı penbede oldı misâl-i ‘anber hâm
6.Kapandı şiddet-i deyden derîçe-i hurşîd
Gögerdi bâd ile rûy-ı sipihr-i erzâk-fâm
7.Meyân-ı yahda toñup cûya saçılan cür‘a
Derûn-ı sengde la‘l itdi gerdiş-i eyyâm
8.Cihâne Behmen-i Rûyîn-ten-i şitâ gelicek
Görüp mehâbetini gökde ditredi Behrâm
9.Derûn-ı yahda turan hârı seyr idüp sandum
Geçürdi âyineye tîri bir dilîr be-nâm
10.Kaçarsa bülbül-i gülşen nola bu hâli tuyup
Tegerg-i cûya kodı halkalarla dâne vü dâm
11.Bulup yah ile cilâ yine tîgi kühsâruñ
İder kılıç gibi kış geldügin bize i‘lâm
12.Döşendi yine çemenzâre berf ser-tâ-pâ
Misâl-i ebr-i sefîd ü sepîd-i erzak-fâm
13.Zemâne eyledi peydâ sefîd kâgıdlar
Tolınca penbe ile kâr-hâne-i eyyâm
14.Gelüp nesîm-i seher virdi aña pâk-cilâ
Ki ola safha-i medh-i edîb-i nigû-nâm
15.Güzîde sadr-ı zemâne emîn-i devlet ü dîn
Sütûde vaz‘-ı yegâne ser-i südûr-ı kirâm
16.Cihân-ı ma‘delete hüsrev-i felek-mesned
Serîr-i mekremete dâver-i bülend-makâm
17.Cenâb-ı Hazret-i Yahyâ Efendi kim oldur
Hudaygân-ı kuzât-ı ‘asâkir-i İslâm
18.O şehr-yâr-ı memâl,iksitân-ı dâniş kim
Revâdur olsa derinde Zühal kemîne-gulâm
6a dey : bürd D
12b sepîd : sipihr D
14a virdi aña : aña virdi A,E
19.Reşâşe-i kalemi feyz-bahş-ı bâg-ı emel
Nevâle-i keremi şâmil-i havâs u ‘avâm
20.Sipihr-i mertebe-sadrâsın ol hümâsın kim
Bulur murâdın elüñ gölgesiyle cümle enâm
21.Nesîm-i terbiyetüñ irse hâk-i gülzâra
Şitâya karşu soyınmazdı nahl-ı tâze müdâm
22.Düşeydi kubbe-i çarha şerâre-i gazabuñ
Dem-i şitâda bulurdı harâret-i hamâm
23.Şihâb sanma atar top-ı çarhdan zencîr
Helâk-i hasmuñ içün bu sipihr-i nâ-fercâm
24.Harîm-i bezmüñe nâ-gâh hüsrev-i re’yün
Murâd iderse eger şem‘-i mihr-i bî-hengâm
25.Hilâl ü ebr ile ola harraka ile âteş-berg
Şihâb u necm ola kibrît ile şerer dem-i şâm
26.Gubâr-ı kûyuñ olup gördi âb-ı ihsânuñ
Cüdâ olur mı kapuñdan ‘Atâyi-i nâ-kâm
27.Metâ‘-ı ma‘rifet ü fazlı baña bildürdi
Şu dem ki tutdı peder menzil-i ‘ademde mekân
28.Mahal-i bahs degüldür letâfet-i engûr
Safâ virür dile ammâ ki bâde-i gül-fâm
29.Benem ol âb-ı musaffâ ki aldılar yolımı
Revâ budur ola lutfuñ delîl-i râh-ı merâm
30.Zamîr-i âyine sîmâña çün degül mahfî
Ne hâcet itmege hâl-i derûnumı i‘lâm
31.Şeb-i şitâ gibi itdüñ sevâd-ı nazmı dırâz
Du‘â ile idelim vakti geldi hatm-i kelâm
32.Niteki mahv ide kâfûr berfi ser-tâ-pâ
Fürûg-ı âteş-i mihr ile gerdiş-i eyyâm
33.Müdâm nefha-ı müşgîn micmer-i ‘adlüñ
23a sanma : sanma ki B
32a dırâz : ziyâd A,E
32b âteş-i : âteşîn B
Ola nesîm-i keremle cihâna ‘ıtr-ı meşâm
34.Hemîşe halk-ı cihân ola zîr-i destüñde
Misâl-i pençe-i hurşîd bezlüñ ola müdâm
